3 ti mapapati a homeless ti nasarakan a natay idiay Manhattan ken Brooklyn, New York gapu iti nakaro a lamiis.
Immuna a nasarakan ti maysa a lalaki nga agtawen iti innem a pulo ket pito idiay 528 3rd Avenue, Murray Hill, alas syete kwarenta y singko iti agsapa.
Kabayatanna, maysa nga agtawen iti innem a pulo ket uppat a babai ti nasarakan iti 1112 Remsen Avenue, Canarsie, Brooklyn alas nuebe bainte y singko iti agsapa.
Nasarakan pay ti bangkay ti saan a nabigbig a lalaki a mapatta-patta nga agtawen iti tallopulo agpangato idiay 327 Warren Avenue, Cobble Hill.
Segun iti kapulisan, awan ti pagilasinan iti pisikal a trauma ken saan a maatap a krimen dagiti 3 a kaso.
Maipan dagiti bangkay iti Office of the City Medical Examiner tapno maammuan no ania ti nakatayanda.
