--Ads--
Tallo a babai ti nakemmeg gapu ti panagay-ayam da ti “Tong-its” idiay Barangay Sunggiam, ili ti San Juan, Ilocos Sur.
Iti pannakiuman ti Bombo Radyo Vigan ken ni PLT. Reynald Ramos ti San Juan Municipal Police Station, nakaawat-da ti report manipud ti concerned citizen nga adda agsusugal iti sangoanan ti balay ti maysa a suspek.
Dagus a nagresponde dagiti otoridad ket dita a naduktalanda dagiti tallo a babai nga agay-ayam ti Tong-its.
Naala manipud kadagiti akusado ti maysa a set a braha, pusta a P350, kayo a lamisaan, ken tallo a tugaw.
-- ADVERTISEMENT --
Sangoen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act. Reynand Fontejon
