2nd gold medal iti e-Sports, nagun-od ti Team Philippines ti 30th SEA Games

VIGAN CITY – Nagun-od ti Team Philippine iti maikadua a balitok a medalya iti benneg ti e-Sports ti 30th Southeast Asian Games ta inabak da ti Thailand iti score a 3 – 2 ti Dota II.

Saan a kinabaelan ti Thailand iti laing dagiti e-Sports athlete a da Bryle Jacob Alvizo, Jan Jerico Manalaysay, James Erice Guerram Jun Kanehara, Marvin Salvador Rushton, Mc Nicholson Villanueva kenni John Anthony Vargas.

Duwa pay a medalya iti mabalin a maibulsa ti Team Philippines babaen iti ayayam a Tekken 8 ken Starcraft II ita nga aldaw.

Maibasar iti partial ken unofficial medal tally, sangagasut tallo pulo ket piton a balitok a medalya iti naalan ti Pilipinas nga adayo nga ad-adu ngem iti sumar-saruno iti listaan a Thailand a naka-ala ti walo pulo ket uppat a balitok a medalya.

Maikatlo ti Vietnam a nakaala ti pito pulo ket siyam a balitok a medalya; maikapat ti Indonesia a naka-ala ti innem a pulo ket siyam a balitok a medalya ken maikalima ti sigud nga over-all defending champion a Malaysia a naka-ala ti lima pulo ket maysa a balitok a medalya.