--Ads--
Natalged a nakasubli iti pagilian iti 299 a Pilipino manipod Dubai a naapektaran iti kumarkaru a tensyon idiay Middle East kas pinasingkedan ti Department of Migrant Workers.
Segun ti DMW, simmangpet ti grupo iti Ninoy Aquino International Airport (NAIA) Terminal 3 ita nga aldaw manipod Dubai a naglugan iti Emirates Flight 336.
Karaman kadagiti nagawid ket dagiti nabalakadan ti employerda para iti kinatalged, adda pay dagiti overseas Filipino worker (OFW) a nalpas iti kontratana ken adda dagiti nagdesisyon nga agsublin iti pagilian.
Siguradoen ti gobierno ti panangted iti kasapulan a tulong pakairamanan iti pinansyal, medical, transportasyon ken psychosocial support kadagiti Pilipino.
-- ADVERTISEMENT --
