--Ads--
Umaboten iti 29 ti natay ken nasurok 6.5 milion a tattao ti naapektaran iti nagtipon nga epekto dagiti bagyo Luis ken Maymay, agraman ti habagat.
Kaaduan ti natay idiay Benguet a 15, agraman ti 10 idiay Baguio City.
Adda pay natay idiay Rizal, Batangas, Caloocan ken dadduma pay a lugar.
Dagiti rason ti pannakatayda ket gapu iti landslide, pannakalmes, pannakatwang ti kayo, pannakakoriente, ken aksidente iti lugan.
-- ADVERTISEMENT --
Malaksid dayta, 19 ti nadunor ken 3 ti mapukpukaw.
Umabot met iti P4.665 billion ti nadadael iti imprastraktura ken P1.424 bilion iti agrikultura.
2,108 a pagtaengan ti nadadael, idinto a 47,277 ti agtaltalinaed kadagiti 628 nga evacuation center.
