Nasurok 270,000 a pulis ken non-uniformed personnel ti makaawat ita nga aldaw iti one-time a P20,000 service recognition incentive para iti tawen 2025, segun iti Philippine National Police.
Segun ken ni PNP acting chief Police Lt. Gen. Jose Melencio Nartatez Jr., ti insentibo ket kas pammigbig iti dedikasion ken serbisio dagiti kameng a mangpatalinaed iti kinatalged ti publiko nga addaan integridad.
Ti SRI nga aggatad iti P4.23 billion ita a tawen ket sakupna dagiti uniformed personnel, NUPs, ken cadet ti Philippine National Police Academy.
Masapul a saan a nababbaba ngem iti 4 a bulan a nasayaat a serbisio agingga idi November 30, 2025 ken adda prorated nga insentibo para iti ab-ababa a serbisio tapno maawat ti SRI.
Saan a makaawat dagiti adda pending a kasona nga administratibo wenno criminal, malaksid no ti pannusana laeng ket reprimand.
