VIGAN CITY – Natay ti agtawen ti dua pulo ket pito a lalaki ta naidungpar iti nagluganan na a motorsiklo iti kinasinnabet na nga Isuzu Dmax pick-up idiay Barangay Pangada, Sta. Catalina idi rabii.
Nabigbig ti biktima a ni Adrian Abuluyan a maysa nga empleyado ti motorcycle dealer a taga-Tamurong, Sta. Catalina idinto a ti nagmaneho iti pick up ket ni Jonard Paz nga agtawen ti dua pulo ket dua, baro, waiter ti maysa a hotel ken barangay kagawad ti Barangay Capangdanan, Bantay.
Daldalyasaten ti pick up iti kalsada idiay Barangay Tamurong ket idi makadanun iti nakapasamakan iti aksidente, mapapati a saan na a nasiputan iti sumungad a motorsiklo a nagluganan ti biktima isu a nadungpar na.
Gapu iti kapigsa iti impact iti panagdinnungpar dagiti dua a lugan, uray la naipurwak ti biktima iti kaadayo a sangapulo agingga dua pulo a metro manipud iti mismo a nakapasamakan iti aksidente.
Nagsagaba iti nakaro a dunor iti ulo ken naduma-duma a paset iti bagi ti biktima a poon iti nakatayan na.
