Agtultuloy ti Department of Social Welfare and Development (DSWD) ti panangmonitor kadagiti tattao ken pamilia a saan pay a naka-fully recover manipod pannaka-apektarda iti napalpalabas a didigra ken agtaltalinaed kadagiti evacuation center iti intero a pagilian.
Segun ken ni Maria Isabel Lanada a DSWD Disaster response management bureau director, agtaltalinaed nga activated iti 57,899 nga evacuation centers iti intero a pagilian.
Manipod iti nasao a bilang ket 845 evacuation centers iti operational ken addaan iti 26,053 a pamilia wenno 91,982 a tattao nga agtaltalinaed.
Kinuna ni Lanada a ti bilin ni DSWD Sec. Rex Gatchalian ket siguradoenda a human-based iti approach-da kadagiti umili.
Dagiti displaced family ket kangatoan idiay Central Visayas ta 479 nga evacuation centers iti mangipapaay ti shelter kadagiti 45,085 a tattao, sumaruno iti Calabarzon babaen iti 182 evacuation centers nga addaan iti 19,998 a tattao ken Negros Island Region a 14,747 a tattao.
Innayon ni Lanada a nabilin dagiti DSWD field offices a siguradoen a dagiti pamilia nga agtaltalinaed kadagiti evacuation centers ket makaawat ti umdas a suportar ken psychosocial aid.
