26 a tattao, natay iti napigsa a ginggined idiay Cebu

Umaboten iti duapulo ket innem a tattao iti natay iti napasamak a magnitude 6.9 a ginggined a timmama idiay Cebu.

Segun ken ni Office of Civil Defense (OCD) Deputy Spokesperson Diego Mariano, malaksid kadagiti natay ket umaboten iti sangagasut uppat a pulo ket pito iti nadunor.

Inlawlawag met ni Mariano a dumaldalan pay laeng iti verification iti nasao a listaan bayat nga agtultuloy ti damage assessment iti lugar.

Immunan a naipakaammo a magnitude 6.7 a ginggined iti napasamak ngem naingato iti 6.9 ken adda kaunegna a lima a kilometro ken tectonic iti nagtaudanna.