--Ads--
Impakaammo ti Philippine Health Insurance Corporation (PhilHealth) nga umaboten iti 26.75 milyon a Pilipino ti nakarehsitro iti Yaman ng Kalusugan Program (YAKAP) ita a selebrasion ti National Health Insurance Program (NHIP) Month.
Agingga Enero 2026, nairekord ti state insurer ti 26.75 milyon a miembro a naka-enroll kadagiti accredited primary care provider iti salinong ti programa.
Babaen ti YAKAP, adda access dagiti miembro iti konsultasion, piling laboratory services, ken napapateg nga agas manipud iti accredited primary care facilities.
Gagem ti programa nga itandudo ti agtultuloy nga health monitoring, nasapa a pannaka-ammo ti sakit, ken preventive care tapno maliklikan ti saan a pannaka-ospital.
-- ADVERTISEMENT --
