Impatuloden ti Pilipinas ti kaunaan a commercial shipment dagiti Carabao mango idiay Canada, segun iti Department of Agriculture.
Daytoy ket kas paset iti addang ti gobierno a palawaen ti merkado para kadagiti agricultural product ti pagilian, para iti nayon a pastrek ken gundaway para kadagiti mannalon.
Umabot iti maysa metriko tonelada wenno 250 a karton ti presko a mangga ti naipatulod idiay Vancouver.
Kabayatanna, pinagkaykaysa ti DA ti nasurok 40 mango farmers’ association tapno mapasayaat ti koordinasion, supply chain ken access kadagiti export market.
Agtultuloy ti panangtaming ti ahensia kadagiti sakit a makaapektar iti produksion ti mangga ken panangpapigsa iti plant health measures tapno mataming dagiti requirement ti sabali a pagilian para iti panag-export.
