VIGAN CITY – Pinasingkedan ti Philippine Atmospheric, Geophysical and Astronomical Services Administration (PAGASA) a duapulo ket lima a lugar ti makarikna ti maibilang a dangerous heat index ita nga aldaw, May 10, 2024.
Imballaag ti PAGASA a dangerous heat index nu 42 degrees Celsius agingga 51 degrees Celsius, a ti maysa a tao ket makarikna ti heat-related issues kas ti cramps ken exhaustion ken dakkel ti tyansa ti heat stroke.
Posible a dumanon ti 45 °C idiay Virac, Catanduanes; 44 °C idiay Dagipan City, Pangasinan; Puerto Princesa City Palawan; ken Roxas City, Capiz.
43°C met idiay San Jose, Occidenral Mindoro ken Guiuan, Eastern Samar.
Posible pay a 42°C idiay Ninoy Aquino International Airport Station idiay Pasay City; Iba, Zambales; Central Luzon State University, Muñoz, Nueva Ecija; Cubi Pt., Subic Bay, Olongapo City; Sangley Point, Cavite; Infanta, Quezon; Alabat, Quezon; Aborlan, Palawan; Cuyo, Palawan; Legazpi City, Albay; Masbate City, Masbate; Central Bicol State University of Agriculture, Pili, Camarines Sur; Mambusao, Capiz; Iloilo City, Iloilo; Dumangas, Iloilo; Catarman, Northern Samar; Catbalogan, Samar; Tacloban City, Leyte; ken Dipolog, Zamboanga del Norte.
