Nakapilan ti Department of Foreign Affairs (DFA) iti 241 a diplomatic protest iti salinong ti Marcos administration kontra iti agresibo a tignay iti China idiay West Philippine Sea.
Segun ti DFA, 241 a protesta iti naipila agingga September 18 ita a tawen manipod July 1, 2022, aldaw a panagtugaw iti puesto ni President Ferdinand Marcos Jr.
Ti addang ket kalpasan nga impila ti DFA ti diplomatic protest kontra China nga insayangkat ti Coast Guard-da iti water cannon iti maysa a Bureau of Fisheries and Aquatic Resources (BFAR) vessel idiay Scarborough Shoal wenno Bajo de Masinloc idi September 16, 2025.
Improtesta pay ti National Maritime Council (NMC) ken dadduma pay a miembro ti diplomatic community ti largest aggression iti shoal a nangipaganetget iti kasapulan a panangsurot ti China iti international maritime laws ken ti 2016 Arbitral Tribunal.
Kondenaren ti Foreign envoys manipod United States, New Zealand, Japan, Australia, Canada, ken ti European Union iti tignay ti China ket inallukoyda nga irespeto iti United Nations Convention on the Law of the Sea (UNCLOS) ken dadduma pay a relevant international agreements ken conventions.
