Impasigurado ti Department of Social Welfare and Development a nakasaganada a mangted iti augmentation assistance kadagiti lokal a gobierno a mabalin nga apektaran ti Super Typhoon Inday, a ti international name-na ket Bavi.
Segun ken n Assistant Secretary Irene Dumlao ti DSWD Disaster Response Management Group, nasurok 4.7 milion a family food packs ti naka-preposition iti nadumaduma a paset ti pagilian.
Nakaikabilen ti DSWD iti ready-to-eat food boxes kadagiti kangrunaan a pantalan iti pagilian, kasta payen dagiti non-food item, tapno masigurado nga ‘on gound’ dagiti relief goods ken nakasagana a maiwaras no bilang agkasapulan iti nayon a tulong dagiti LGU.
Kabayatanna, naileppas metten ti ahensia ti panangipatulod iti nayon a food packs idiay Batanes, maysa kadagiti lugar a manamnama nga apektaran ti bagyo.
