Duapulo ket dua a babai iti Ilocos Sur ti nakaganar iti libre a Bilateral Tubal Ligation Outreach Service a naisayangkat iti Provincial Government of Ilocos Sur babaen iti Provincial Population Office.
Naisayangkat ti aktibidad idi Setyembre 9 ken 10 iti Ilocos Sur District Hospital – Tagudin ken ISDH – Sta. Lucia.
Balligi a naisayangkat ti DKT Philippines Foundation dagiti surgical procedure babaen iti Family Planning Mobile Clinic-da.
Gagem ti program a maikkan dagiti babai iti natalged, mapangnamnamaan ken nadaras a ma-access a family planning ken reproductive health service.
Segun ken ni Francis Dacanay, Provincial Population Officer, paset daytoy iti agtultuloy a panangikagumaan ti provincial government a mayasideg kadagiti komunidad, nangruna iti grassroots level, ti napateg a serbisio a para salun-at ken family planning.
