VIGAN CITY – Duapulo ket maysa a baro a kaso ti Covid19 ti nainayon ditoy probinsia iti nagpatnag isu nga umaboten iti 783 ti total cases.
Dagiti baro a kaso ket manipud kadagiti pito nga ili a pakairamanan idiay Narvacan a nakairekordan iti maysa a kaso iti Brgy. Margaay ken saggaysa met laeng idiay Brgy. Gusing Sta Maria, Brgy 1, Bantay, San Antonio, Candon City, San Miliano, San Emilio, ken Aluling, Cervantes.
Sangapulo ket lima a kaso ti nairekord iti ili ti San Esteban a dua iti Brgy. Bateria, tallo idiay Brgy Ansad, maysa idiay Brgy Villa Quirino, uppat idiay Brgy San Rafael, tallo idiay Brgy San Pablo idinto a saggaysa idiay Brgy Apatot ken Brgy San Nicolas.
April 7 agingga April 21 ket maisakup iti Extreme Enhanced Community Quarantine dagiti lugar a naibilang iti critical zone, Modified Enhanced Community Quarantine iti containment zone ken General Community Quarantine iti buffer zone.
