206 a Pilipino a na-rescue manipud iti scam farm ken rebel group idiay Myanmar, naituding a sumangpet iti pagilian

Dua gasut ket innem a Pilipino a na-rescue manipud kadagiti scam farm ken rebel group idiay Myanmar ti naituding a sumangpet idiay Manila mangrugi inton bigat, kas pinasingkedan ti Department of Foreign Affairs.

Segun ken ni DFA Usec Eduardo de Vega, tallopulo ti naituding nga agawid iti pagilian inton bigat, sarunwento ti 176 inton Martes.

Innayonna a dagiti Pilipino ket paset kadagiti rinbo a gangannaet a mangmangged idiay Myanmar a napuersa nga agtrabaho iti scam farm.

Dagitoy a mangmangged ket nadukot babaen kadagiti armado a grupo a mangkonkontra iti gobierno.

Makaawat dagiti nasao a Pilipino iti tulong manipud kadagiti nadumaduma nga ahensia ti gobierno no makasublida iti pagilian.