--Ads--
Naituding a pirmaan inton bigat ni Presidente Ferdinand Marcos Jr ti General Appropriations Act para iti fiscal year 2026.
Ti panangperma iti 2026 national budget nga aggatad iti P6.79 trillion ket maaramid babaen iti ceremonial signing idiay Malakanyang.
Naratipikaran ti GAA idi Disyembre 29, 2025 ken dagus a niadalan iti enrolled bill babaen iti nainget a panangadal ti presidente tapno maipasa iti opisinana.
Gagem ti panagadal a masigurado a mailatang iti husto a proyekto ken maganar dagiti umili, kangrunaan iti sektor ti edukasyon, salun-at, ken dadduma pay a kangrunaan a sektor.
-- ADVERTISEMENT --
Gapu ta saan a naikamakam a mapermaan ti 2026 national budget sakbay a nagtapos ti 2025, adda reenacted budget kadagiti immuna nga aldaw ti 2026.
