Sumangsango ita ti pannakababalaw ti naipasa a Php6.326 trillion a 2025 national budget.
Ngem no man pay kasta inyunay-unay ni Representative Jude Acidre nga awan iti linaon na a discretionary funds wenno pork barrel.
Dayta ket kalpasan a madanagan ti Philippine Business for Education (PBEd) nga adu dagiti discretionary funds, kinakurang ti transparency ken potential misuse ti pondo.
Napaliiwda pay ti bassit a nainayon a budget ti education funding a maikontra ti 1987 Constitution a mangipangpangruna iti edukasion.
Dagiti dati a senador a da Franklin Drilon ken Ping Lacson ket inkalinteganda nga iti laksid dagiti panag-veto ti presidente ti pondo, agtaltalinaed latta nga adda “pork barrel ti pondo” ken agkurang ti pondo ti edukasion.
Inyunay-unay met ni Acidre a ti budget ket nagdalan iti nainget a panag-review ken amin a pondo ket adda iti sakup ti executive branch purview, ngem impasiguradona nga agtultuloy a mapagsasaritaan dagiti pakaseknan.
