Balligi ti naisayangkat a 2025 Mini-Rescuelympics iti ili ti Sta. Catalina iti pannakipaset iti inter-agency response cluster wenno babaen kadagiti kameng ti Philippine National Police (PNP), Bureau of Fire Protection (BFP), Philippine Coast Guard (PCG), Rural Health Unit (RHU), Sta. Catalina Emergency Response Team ken Youth Responders.
Iti pannaki-uman ti Bombo Radyo Vigan ken ni Janette Rabara a Local Disaster Risk Reduction and Management (LDRRM) Officer iti ili ti Sta. Catalina, ti aktibidad ket tinawen a maar-aramid a ti gagemna ket tapno mapasayaat ti skills dagiti otoridad bayat iti emergencies ken didigra, ken tapno mapapigsa iti inter-agency-bonds.
Segun ken ni Rabara, adda iti naisayangkat a team building activities, application of physical activities ken endurance, ken application of basic first aid wenno basic life support para iti panagsursuro dagiti first responders.
Kampeon iti mini olympics iti Sta. Catalina Emergency Response Team ken Arayat, 1st Runner up iti BFP, 2nd Runner up iti PNP ken 3rd Runner up iti PCG ken RHU.
Kadagiti nakipaset ket naipaayan iti certificate idinto a dagiti nangabak ket nakaawat iti gungguna pakairamanan iti kuarta ken plaque.
