Natalek ti Department of Budget and Management (DBM) a ti proposed P6.352 trillion national budget para inton 2025 ket mapirmaan ti president nga agbalin a linteg sakbay iti paskua.
Segun ken ni Budget Secretary Amenah Pangandaman, natalek ti timely enactment iti General Appropriations Act para inton sumaruno a tawen ta namnamaenna a maipasa kadagiti aldaw ti December 18, 19 wenno 20.
Nu maaprubaran, ti 2025 budget ket irepresentarna ti 10.1 percent a nayon manipod iti alokasyon iti agdama a tawen ken account para ti 22 percent a gross domestic product iti pagilian.
Idi September 25 nga inaprubaran ti House of Representatives ti 2025 proposed national budget iti maikatlo ken maudi a pannakaibasa kalpasan nga in-certify nga urgent ni President Marcos.
Impasigurado met ni Senate President Francis Escudero nga ipasa iti upper chamber ti budget on time.
