Impasigurado ti Malakanyang a maawat ita a tawen dagiti kwalipikado a kameng ti gobierno ti 2024 Performance-Based Bonus -da kalpasan nga inaprubaran ni Presidente Ferdinand Marcos Jr ti pannakaiparuarna.
Segun ken ni Palace Press Officer Usec Claire Castro, marugianen ti pannakaiproseso ti bonus ken mabalin a nasapsapa a maited kadagiti sumagmamano nga ahensia depende iti kapaspas ti prosesoda.
Innayon ni Castro nga adda nailatang a pondo para iti daytoy a banag iti salinong ti 2026 General Appropriations Act.
Tapno agbalin a kwalipikado iti PBB, kasapulan a makaala ti maysa nga ahensia iti saan a nababbaba ngem iti 70 pts iti performance assessment.
Manamnama a mangiruar iti agsina a guidelines dagiti maseknan nga ahensia para iti pannakaipatungpal ti bonus kadagiti kwalipikado nga empleado.
