VIGAN CITY- “Ti sports competition ket saan laeng a makatulong t iti development ti physical ken mental strength ti maysa nga atleta no di ket tapno masursuro na ti makiandingay iti sabali a tao’’, dayta ti inpaganetget ni Governor Ryan Singson iti panaglukat ti 2018 Provincial Meet Sports Festival ti Department of Education (DepEd) –Ilocos Sur idiay Quirino stadium idi kalman.
Segun kenni Governor Singson, ado a pakaidayawanen ti naited ti sports ditoy probinsiya a ti pammaneknek ket dagiti atleta a nakaala ti medalya kadagiti regional ken national meet , pakairamanan ti Palarong Pambansa.
Innayon ti gobernador nga ado pay a karit iti biag ti sanguen dagiti atelta ket ti “provincial meet” ti agserbi a gundaway tapno makita da iti usto a kayat na a sawen iti pannangabak, saan laeng iti benneg iti sports no di ket kadagiti dadduma pay nga aspeto ti biag.
