VIGAN CITY– Saan a rumbeng nga agkampante ti Gilas Pilipinas iti umuna a laban da iti 2018 Asian Games uray no saan a makaay-ayam ti dwa nga star player ti Kazakhstan a da Anton Ponomarev ken Anatoliy Kolesnikov ta posible nga agbaliw pay ti line up ti Kazakhstan.
Segun kenni Quinito Henson, maysa nga sports analyst, kasapulan a maipangabak ti Pilipinas ti Game 1 ta uray no abaken to idan ti China iti laban da inton Agosto 27 ket makastrek da latta iti quarterfinals.
Inlawlawag ni Henson a ti grupo ti Pilipinas, China ken Kazakhstan ket dwa laeng kadakuada ti makastrek iti sumarano a round .
Patien met ni Henson a kabaelan ti Gilas a makastrek iti semifinals uray no awan ti NBA player a ni Jordan Clarkson ta napigsa ti line up da ken nakaensayo da nga awan iti NBA player.
Maibasar iti sistema ni coach Yeng Guiao ket agbalin a “game changer” iti amin a players depende iti taray ti laban.
Dakkel pay ti maitulong ni Asi Taulava ta nagbalin isunan a player ni coach Guiao idiay NLEX road warriors gapu ta kabisado dan ti sistema iti tunggal maysa.
Kabayatanna, inpaganetget ti sports analyst nga adda ti diskriminasyon na ti desisyon ti NBA a saan a palubusan ni Clarkson nga agay-ayam iti ASIAN games nangruna kadagiti third world countries kas iti Pilipinas ta pinaboran da ti China ta pinulubusan da dagiti dwa a Chinese NBA players nga agay-ayam para iti pagilian da.
