Kinumpirmaran ti Department of Migrant Workers nga umabot iti 200,000 Filipino workers iti kasapulan idiay Austria inton sumaruno a tawen.
Segun ti ahensya, pakairamanan iti kasapulanda ti skilled tourism ken hospitality workers, unskilled workers a maideploy kadagiti tourist destination iti agduduma a paset iti Austria kas iti Tyrol, Salzburg, Upper Austria, Lower Austria, Vienna, Styria ken Carinthia.
Agkasapulan pay ti technicians iti sektor iti data processing, voltage building ken high voltage wenno low-systems.
Dakkel pay iti pagkasapulan iti business administration ken mechanical engineering iti Upper Austria, Vienna, Styria ken Carinthia idinto a machine fitters met nga adda nangato nga academic credentials iti kasapulan iti Upper Austria.
Ti nasao a programa ket mangidiaya ti residence ken employment permit iti agingga dua a tawen ken mabalin pay nga i-extend.
