Nagballaag ni Vice President Sara Duterte a posible a maawanan iti trabaho dagiti dua gasut nga empleado manipud iti Office of the Vice President iti baet ti kurang nga alokasyon para iti tawen 2025.
Madakdakamat a P733 million a panggastos laeng para iti Office of the Vice President ti inaprubaran dagiti senador iti uneg ti sangapulo a minutos, naadaptar ti House resolution isu a naksayan iti P1.3 billion ti orihinal a P2.43 billion proposed budget para iti 2025.
Segun ken ni VP Sara, ti dakkel a budget cut ket saan laeng a makaapektar kadagiti programa ken proyekto ti OVP no di ket uray iti trabaho dagiti dua gasut a service personnel.
Innayonna a masapulna nga urayen ti final version ti General Appropriations Act sakbay nga agdesisyon no ania dagiti proyekto ken program ti nasken a maisardengen.
