Makainut ti gobierno iti P25.6 billion para iti intero a tawen kasaruno ti pannakaipatungpal ti 20-percent reduction iti non-essential government spending.
Segun iti Department of Budget and Management, ti addang ket paset iti panangikagumaan ti gobierno a makabukel iti nayon a fiscal space tapno palag-anen ti epekto ti kumarkaro a geopolitical tension iti Middle East a mangap-apektar latta iti global energy supply ken presio.
Segun iti DBM, mangipatungpalda iti nainget ken naannayas nga addang kadagiti nadumaduma a national government agency babaen iti panangkissay iti non-essential Maintenance and Other Operating Expenses.
Pinasingkedan ni DBM Acting Secretary Rolando Toledo a ti napateg ket mailaksid iti 20 percent cut iti panaggastos dagiti frontline service, agraman ti edukasion, salun at ken social protection.
Agtaltalinaed a nakapokus ti suporta ti gobierno ken panangipasigurado a ti limitado a resources ket dumanon kadagiti agkasapulan, a saan a maikompromiso ti fiscal stability.
