Maysa a lalaki ti nadunor kalpasan ti mapapati a panagbettak a napasamak idi rabii idiay Purok Amirol, Barangay Mother Bagua Kalanganan, Cotabato City.
Maibasar iti initial nga imbestigasion ti Police Station 4 ti Cotabato City Police Office, maipagarup a ti biktima ket agur-uray iti nadakamat a lugar para iti construction foreman na idi makakita ti lawag ken makangeg ti napigsa a panagbettak.
Napaidda ti biktima iti daga ken naammuan a nagsagaba ti dunor iti agduduma a paset ti bagi-na.
Sabali pay nga insidente ti panagbettak ti napasamak idi met laeng idiay Datu Udtog Matalam, Malagapas, Barangay Rosary Heights 10, Cotabato City.
Dagus a nagresponde dagiti kameng ti Police Station 2, kadua dagiti duty investigator nga idadauloan ni PMAJ Tugaya Z. Alfonso, station commander, kalpasan a nakaawat da ti report manipud iti maysa a concerned citizen.
Basar iti imbestigasion, mapapati a manipud iti maysa a pagibasuraan ti naggapuan ti panagbettak, no sadino nakita iti lugar dagiti naiwara a piraso ti basura.
Kabayatanna, nadunor ni Cotabato City Councilor Marouf “Pabo” Pasawiran kalpasan a natamaan iti napasamak a pammaltog idiay Barangay Bagua 2, Cotabato City.
Segun iti initial ng impormasion, nakapadas iti agsasaruno a putok ti paltog iti nadakamat a lugar sakbay ti kaunaaan a Bangsamoro Parliamentary Elections ita nga aldaw, Setyembre 14.
Agtultuloy ti imbestigasipnm dagiti otoridad no ania ti rason ken motibo kadagiuy nga insidente.
