VIGAN CITY- Natay ni Elmer Garceliano, agtawen iti tallo pulo, naasawaan , construction worker ken taga-Mantanas, Sta. Cruz kabayatan iti pannakataming na iti ospital gapu iti pannakaaksidente na, kadua na iti kinalubbon na iti motorsiklo a ni Salvador Camiring Jr, agtawen iti dua pulo ket lima, tricycle driver ken taga-Barangay Capariaan, Sta. Cruz.
Maibasar iti inisyal nga imbestigasyon, daldalyasaten dagiti dua iti national highway idi naatalan da iti maysa nga aso isu a saan a nakontrol ni Garceliano iti manibela iti motorsiklo ket natulid da.
Kalpasan iti pannakatulid da, napilidan pay ti Fariñas bus ni Garceliano isu a nagsagaba iti nakaro a dunor iti naduma-duma a paset iti bagi na a poon iti nakatayan na uray nu naitaray nga insigida iti kaasitgan a balay-pagagasan idinto a ni Camiring ket manarimaan pay laeng iti pannaka-agas na.
