VIGAN CITY –Dwa a drug personality ti kinemmeg dagiti pannakabagi ti linteg iti nagsina a buy-bust operation idiay Rizal, Cabugao ken Ayusan Norte, Vigan City.
Nabigbig dagiti suspek a da John Joseph Savellano, agtawen ti tallo pulo ket pito , drug surenderer a miembro ti Arthur-oliver drug group ken maysa kadagiti high value target ti Philippine Drug Enforcement Agency(PDEA) a taga Brgy. Pug-os, Cabugao ken Jeffrey Tuvera, 29, naasawaan, ken taga Ayusan Norte,Vigan City.
Nakemmeg ni Savellano idiay Brgy. Rizal, Cabugao ket naala kenkuana ti dwa a sachet a naglaon ti maatap a shabu ken buy-bust money.
Ti grupo a pakairamanan ni Savellano ket mapapati nga agop-operate iti umuna a distrito ti probinsiya.
Iti sabali a bangir, dwa a sachet iti maatap a shabu ken buybust money iti naala kenni Tuvera a nakemmeg iti buy-bust operation idiay Ayusan Norte, Vigan City.
Ni Tuvera ket maysa a drug surenderee ken karaman iti drug watchlist ti Vigan City-PNP.
