VIGAN CITY- Nagpakamatay ni Jayson Tabaday, agtawen iti sangapulo ket siyam, aglaklako ti ikan ken taga-barangay Baraca, Vigan City, addaan ti live in partner babaen iti panangibitin na ti bagi na babaen ti telephone cable wire iti uneg ti pagtaengan da.
Adda pay ti nakita a maatap a “suicide note’’ iti nakapasamakan ti insidente kas panagpakada ti biktima iti live-in partner na a ti nakailanad ket “ nu man matay nak tatta nga aldaw, pangaasi ta jak kayat nga makita da nanang. Di yo iparang dagiti anak ko kanyada. I Love you baket….” ken adda ti nayon na nga “awan ti mangayat kanyakon”.
Nu pay mapapati a parikot iti pamilya ti rason iti nagpakamatayan ti biktima, maburburtyiaan ti apong ti live in partner na ta naurnos met iti panagdinna dagiti dua.
Kabayatanna, idiay met Puro, Caoayan, inbitin ni Jaylord Cerna, agtawen iti dua pulo ket dua, baro, SK kagawad ken residente ti nasao a lugar gapu iti panagsina da ken ti nobya na.
