--Ads--
VIGAN CITY- Saan a nagpangaddua da Cristeta Sonio ken Remedios Antolin a taga Tamorong, Caoayan nga insubli ti napidot da a wallet idiay Nansuagao ,Caoayan ditoy Bombo Radyo Vigan.
Segun kenni Antolin, ti Bombo Radyo iti immuna a napanonotan da a pangipanan iti napidot da agsipud ta dakdakkel iti tyansa na a maisubli iti akinkukua gapu iti public service announcement iti istasyon.
Innayonna a gapu iti inaramid na ket patien na a no isunanto met iti mapukawan ket maisublinto met laeng kenkuana.
Nagyaman met ni Carmelita Paa a taga Nansuagao ,Caoayan agsipud ta naisubli met laeng ti pitaka na a naglaon ti kuarta ken naduma-duma a napapateg nga ID ken dadduma pay.
-- ADVERTISEMENT --
