VIGAN CITY – Mangidonar ti dua a refurbished Lockheed S-3 Viking aircraft ni League of Municipalities of the Philippines President ken Narvacan Mayor Chavit Singson para iti Armed Forces of the Philippines.
Iti ekslusibo a pannaki-uman ti Bombo Radyo Vigan kenni Singson, dagiti aircraft ket isu ti kanginaan a klase ti aircraft ta adda ti manamnama a maibangon ti kaunaan a Maintenance Repair Operation and Training (MRO) iti pagilian.
Maipatakder ti MRO iti naduma-duma a lugar ti pagilian ket maysan to iti probinsia ti Ilocos Sur a pakaibangonanna.
Kasta pay a ti MRO ket isunto ti mangipaay ti serbisyo kadagiti jet ken military airplanes ti Asian countries ken ti European countries a patienna nga isu ti dakkel a pammsatrekan ken pagdur-asan ti ekonomiya ti Pilipinas.
Inlawlawagna a katinnulong ti LCS Group of companies ket ti gobyerno ti South Korea ken Amerika isu a naaddaanda ti taripnong idiay Washington ket ti Pilipinas ti napili a pakaisagutan dagiti aircrafts ken ti pakaibangonan ti MRO.
Kabayatanna, ti S-3 Viking aircraft ket maysa a carrier based surface warfare aircraft ken maaramat nga aerial refueling tanker kadagiti military airplanes ken dadduma pay.
