--Ads--
VIGAN CITY – Dua nga prison officer idiay France iti natay ta naambush ti van a naglugananda idiay Rouen, Normandy, France.
Insigida a naglibas dagiti balud a da Mohamed Amra nga adda kasona a robbery ken abduction leading to death.
Malaksid kadagiti dua a prison officers ket adda pay tallo a nadunor a naipan iti ospital.
Napasamak iti insidente bayat nga agsublin iti prison facility dagiti balud a naggapu manipod korte.
-- ADVERTISEMENT --
Iti agdama ket agtultuloy a masapsapul dagiti pugante.
Kabayatanna, sinigurado ni French President Emmanuel Macron nga araramidenda aminen a wagas tapno masapulan dagiti nakalibas a balud.
