2 a Pilipino seafarer, natay iti ‘security incident’ idiay Strait of Hormuz

Dua a Pilipino seafarer ti natay iti maysa a security incident iti Strait of Hormuz, segun iti national shipping carrier ti Saudi Arabia.

Ti insidente ket kinumpirma ti Bahri, ti kompania a mangpatpataray iti barko.

Segun ti Bahri, nairaman iti mays a security incident ti SIDR vessel da bayat a dumaldalyasat iti Strait of Hormuz.

Nakipagladingit ti kompania kadagiti napanawan a pamilia, giyyem ken kabagyan dagiti 2 a Pilipino seafarer ken impasigurado ti Bahri a tumulong da.