Im-imbestigaran ti Embahada ti Pilipinas iti United Arab Emirates ti damag a dua a Pilipino ti nakemmeg idiay Dubai gapu ti maipagarup a panag-record ken panagiwaras ti video mainaig ti napalabas a panagtake ti pagilian.
Pinasingkedan ti Philippine Embassy idiay Abu Dhabi ken Consulate General idiay Dubai a nagkiddaw da ti opisial a kumpirmasion ken impormasion manipud kadagiti otoridad iti UAE mainaig iti personalidad, agdama a kasasaad ken legal a sitwasion dagiti dua a Pilipino a karaman.
Respetoen ti Pilipinas ti soberania ti UAE ket ipatungpal da ti linteg mainaig ti national security, cybercrime, ken public order kasaruno ti pakdaar ti otoridad ti UAE a ti panagiwaras ti madi ken saan a beripikado nga impormasion mainaig iti seguridad, pakairamanan dagiti videos ti air defense, interceptions, panagtake kadagiti landmark, kasta pay dagiti AI generated video ket maibilang a krimen nga adda katukad na a pannakaibalud ken nadagsen a multa.
Nagpanawagan dagiti diplomatiko nga opisial kadagiti Pilipino iti UAE nga agbalin a naannad iti aktibidad iti internet ken naballaagan ti komunidad a liklikan ti panagala dagiti video, panag-post iti internet ken panag-komento iti saan a kumpirmado a patangan iti seguridad.
