Dua ti nakemmeg gapu iti panagtakawda iti electrical wire iti maysa a construction site iti ili ti Sinait idinto a nakalibas ti maysa a kaduada.
Dagiti dua a suspek ket madama a trabahador iti nasao a contruction site idinto a ti maysa ket nabayagen a nagikkat.
Nagreport ti Electrical Engineer mainaig iti pannakaduktalna nga in-inut a makmaksayan ti ti bilang dagiti rolled wires nga aggatad iti nasurok P1,000 kada metro bayat ti liquidation kadagiti materyales iti maar-aramid a construction building.
Iti pannaki-uman ti Bombo Radyo Vigtan ken ni Police Captain Bryan Lopez, inamin dagiti suspek ti panagtakawda kadagiti waya ken inlakoda iti maysa a junk shop.
Dagus a nagimbestigar ti Sinait Police Station ket nakemmeg dagiti dua a suspek a pakairamanan ti maysa a menor de edad idinto a ti maysa ket nakalibas.
Nakumpiskar pay ti maysa a kurong-kurong a nangikargaanda kadagiti waya.
