--Ads--
Tigtignayan dagiti health expert tapno malapdan ti posible a panagraira ti hantavirus kalpasan a nairekord dagiti 2 a maatap a kaso nga adda pakainaiganna iti outbreak manipud iti luxury cruise ship iti MV Hondius.
Karaman kadagiti baro a kaso ti maysa a lalaki a nagsakit kalpasan a bimmaba iti barko ken maysa a babai a mapapati a naakaran kalpasan a nagtugaw iti maysa nga infected passenger iti eroplano.
Dagiti 2 a kaso ket nairekord iti agaadayo a lugar – maysa iti Spain ken maysa pay iti Tristan da Cunha, maysa a nasulinek nga isla iti South Atlantic.
Segun iti World Health Organization, 6 kadagiti 8 a kaso manipud iti barko ti nakumpirmaran a hantavirus, ken 3 met kadagitoy ti natay.
-- ADVERTISEMENT --
