Dua a Japanese boxer ti natay gapu iti peggad a sinagrap ti utekda iti agduma a laban a napasamak iti maymaysa nga event idiay Korakuen Hall, Tokyo.
Nanabtuog ni Shigetoshi Kotari, agtawen iti duapulo ket walo kalpasan ti 12-round a laban a nagresulta iti draw kontra ken ni Yamato Hata idi Agosto 2.
Dimmalan iti emergency brain surgery para iti subdural hematoma ngem pimmusay met laeng.
Ni met Hiromasa Urakawa, agtawen iti duapulo ket walo ket natay kalpasan a nakarikna iti peggad iti utek iti maysa a knockout loss kontra ken ni Yoji Saito.
Dimmalan met iti craniotomy sakbay a pimmusay.
Gapu dayta, inwaragawag ti Japanese Boxing Commission a kisaayanda ti bilang ti rounds ti OPBF title fights manipud iti 12 ket nagbalinen a 10 rounds para iti kinatalged dagiti boksingero.
