--Ads--
Awan ti nadangran iti napasamak nga aksidente iti national highway ti Barangay Bio, Tagudin, Ilocos Sur.
Karaman iti aksidente ti maysa a Ford Utility Pick-up ket kukua ti lalaki nga abogado nga agtawen iti uppat a pulo ket dua, taga-Quezon City.
Ti met Nissan For Hire Utility vehicle ket minaneho ti lalaki nga agtawen iti uppat a pulo ket siam, taga-Tuguegarao City, Cagayan.
Nakaparking ti pickup iti iti igid ti kalsada idinto a nakaparking met ti utility vehicle a sumangsango iti laud a shoulder lane.
-- ADVERTISEMENT --
Nagsanud ti utility vehicle iti bangir a direksion ta agpa-amianan koma ngem saan a nadlaw ti drayber ti nakaparking a pickup isu a naidungpar ti likudan a paset ti luganna iti sango a bumper ken fender ti pickup.
