2 a drayber ti nadunor iti panagdinnungpar dagiti 2 a motorsiklo idiay Barangay Poblacion Este, Sta. Cruz, Ilocos Sur.
Ti Yamaha Mio ket minaneho ti lalaki nga agtawen iti uppat a pulo ket uppat, taga-Barangay Poblacion Weste, Sta. Cruz.
Ti met Yamaha Sniper ket minaneho ti maysa a lalaki nga agtawen iti tallopulo ket walo, backrider-na ti maysa a lalaki nga agtawen iti sangapulo ket siam, agpada a taga-Barangay Cappa-cappa, San Esteban.
Agpapa-abagatan ti Mio idinto nga agpa-amianan ti Sniper ket idi magtengda ti nakapasamakan ti insidente, ginandat ti Sniper ti nang-overtake iti trailer truck a sarsarunwenna.
Gapu dayta ket naagaw ti Sniper ti linya ti Mio isu a nagdinnungparda.
Natakuatan met a ti drayber ti Mio ket nakainom idi mapasamak ti aksidente.
