--Ads--
Dua a drayber ti nadunor iti panagdinnungpar dagiti dua a motorsiklo iti Rizal Street, Barangay VII, Vigan City, Ilocos Sur.
Ti Suzuki Step 125 motorcycle ket minaneho ti agtawen iti limapulo ket lima, agnaed iti nasao a lugar.
Ti met nagmaneho iti Yamaha Aerox motorcycle ket agtawen iti duapulo ket maysa, agnaed iti Barangay Capangpangan.
Napaspas ti pataray ti nagmaneho iti Aerox nga agturong iti abagatan, idin ta naidungpar iti sumungad a Suzuki Step nga aggapu iti bangir a linya ket agsikko koma iti kannigid iti kalsada ti Barangay VII.
-- ADVERTISEMENT --
Gapu dayta, nadunor ti nadumaduma a paset ti bagi dagiti dua a drayber ket naipaagasda iti ospital para iti naan-anay a pannakatamingda.
Agpada a nakainom dagiti drayber idi napasamak ti aksidente.
