VIGAN CITY – Naipaayan ti libre a pagtaengan ti agina a da Trinidad Isibes ken ni Albert Isibes a manipud Bacolod ngem nagtalinaeden ditoy probinsya.
Iti pannaki-uman ti Bombo Radyo Vigan ken ni Albert, ubing pay laeng idi nagpa-Manila tapno mangged agingga a dimmandanunda kadagiti nadumaduma a lugar ditoy probinsia.
Inpakammona a ti daga a nakapatakderan ti baro a pagtaengan ket inted ti kapitan ti nasao a barangay ket dakkel ti pagyamananna ta addan napinpintas a pagnaedanda nga agiina no yarig ti dati a kasla paglinungan laeng dagiti dingwen.
Segun ken ni PLt Col. Jason Nadarisay, ti 1st Mobile force Company, naammuanda iti kasasaad ti pamilya babaen kadagiti kakadduada a nakaammu iti istoryada isu a napilida kas benepisyaryo ti program ti Philippine National Police nga Adopt a House.
