Maisayangkat inton bigat ti 1ST Ilocos United Football Club Toddlers Mini Tournament idiay Quirino Stadium, Bantay, Ilocos Sur.
Iti pannaki-uman ti Bombo Radyo Vigan ken ni Coach Ben Purugganan, gagem ti torneo a makita no ania ti simmayaatan ti training a dimmalanan dagiti ubbing idi napalabas a bulan.
Kayatda pay ti mangkita no asino ti mabalin a maipatulod idiay Manila a makilaban kadagiti top academy ken dagiti padada a toddler.
Maysa pay kadagiti tarigagay ti torneo ket mapauneg ti langen-langen dagiti ubbing ken dagiti nagannakda.
Nadumaduma ti kategorya – adda dagiti agtawen iti lima agingga pito; walo agingga sangapulo; ken sangapulo ket maysa agingga sangapulo ket dua.
Maitedto ti special awards kas ti Best Defender, Most Valuable Player, ken Best Striker.
