1st Filipina Olympic gold medalist Hidilyn Diaz, kinablaawanna ni Carlos Yulo iti pannakagun-odna ti balitok a medalya iti Paris Olympics

Kinablaawan ni 1^st Filipina Olympic gold medalist Hidilyn Diaz ni Carlos Yulo kalpasan a nangabak iti balitok a medalya iti Paris 2024 Olympics.

Proud ni Hidilyn iti panangabak ni Yulo a dakkel a pakaidayawan ti pagilian ken balakadna iti padana nga Olympic gold medal nga ienjoy ti bunga ti nagbannuganna.

Nakaimaldit iti pakasaritaan ni Yulo kalpasan a nangabak iti balitok a medalya iti artistic gymnastics men’s floor exercise final.

Ni Hidilyn met ti umuna a Pinoy a nangiyawid iti balitok a medalya iti pagilian idi Tokyo Olympics.

Kabayatanna, makaawat iti tallo milion a pisos a reward ni Yulo manipud iti kamara kas kinumpirmaran ni House Committee on Appriopriations Chairman ken Ako Bicol Partylist Rep Elizaldy Co.