Umabot iti 19 nga indibidual ti kinemmeg dagiti otoridad gapu iti panaglabsingda iti gun ban ti Commission on Elections iti umadani a parliamentary elections iti Bangsamoro Autonomous Region in Muslim Mindanao, segun iti Philippine National Police.
Manipud Hulyo 16 agingga Agosto 22, tallo nga indibidual ti nakemmeg ken maysa ti napatay iti operasion ti kapulisan idiay Lanao del Sur.
Kabayatanna, innem ti nakemmeg idiay Maguindanao del Norte, walo iti Maguindanao del Sur, ken dua iti Isabela City, Basilan.
Nakakumpiskar pay ti PNP iti 12 nga small arms, siam a light weapons, ken innem nga explosives.
Maipalagip a naipatungpal ti gun ban iti intero a BARMM idi Hulyo 16 kagiddan ti panangrugi ti election period para iti kaunaan a parliamentary elections.
