--Ads--
Sangapulo ket siam a tattao iti natay iti pannakatinnag iti pampasahero a bus iti maysa a derraas idiay Nepal.
Maibasar iti inisyal nga imbestigasyon dagiti otoridad, naggapu idiay Pokhara nga agturong idiay Katmandu ti bus idi naawanan ti kontrol ti driver-na ken natinnag iti derraas iti kauneg a duagasut a metro.
Ti insidente ket napasamak iti asideg iti Trishuli river idiay Dhading District.
Umabot iti uppat a pulo ket uppat iti naglugan iti bus kadua ti driver a ti duapulo ket lima ket agpaagasen gapu iti dunor a sinagabada.
-- ADVERTISEMENT --
Karaman a natay ti agtawen iti duapulo ket uppat a turista a British national.
Agtultuloy iti isaysayangkat nga imbestigasyon dagiti otoridad maipanggep iti insidente.
