Sangapulo ket siam a tattao pakairamanan dagiti uppat nga ubbing iti natay idinto nga uppat a pulo ket walo iti nadunor iti napasamak a nakaru a missile ken drone attack idiay Kyiv, Ukraine.
Segun ti Kyiv City Military Administration, tallopulo ket maysa a missiles ken 598 drones iti inrusat iti Russia a kaaddoan ket nalapdan iti Ukraine pakairamanan iti 563 drones ken 26 a missiles.
Gapu iti panagatake ket adu a pasdek, pagadalan ken imprastraktura kadagiti lima a distrito iti Kyiv ti nadadael ken karaman pay a natamaan iti opisina ti British mission ken European Union iti siudad.
Pinasingkedan ni Ukraine President Volodymyr Zelenskyy a ti panagatake iti Russia ket sungbatda iti panawagan iti sangalubongan para iti ceasefire ken diplomasya.
Segun ken ni Zelenskyy, kaykayat iti Russia ti kinaranggas ngem iti negosasyon ken impaganetgetda iti panagkasapulan iti nainget nga international sanctions kontra idiay Moscow.
