Sangapulo ket siam a tattao ken adu iti nadunor iti kilos protesta ti nagbaetan dagiti raliyista ken polis idiay Kathmandu, Nepal gapu ti pangngeddeng iti gobierno nga iparit iti duapulo ket innem a social media platforms kas iti Facebook, X(dati a twitter), ken YouTube.
Gapu dayta ket rinaut dagiti raliyista ti pasdek ti parliament ken pinaggepda a sinerrek a nangaramatanda iti paltog dagiti polis kontra kadagiti raliyista isu nga adda natay ken nadunor.
Immunan a kiniddaw iti agduduma a grupo a leppasen ti social media ban ken korapsyon iti nasao a pagilian.
Nupay kasta ket nagaramat pay iti tear gas ken water cannons dagiti polis ngem napilitan a naglemmeng iti uneg ti parliament compound.
Malaksid dayta ket nagdeklarar pay ti curfew iti dadduma a siudad pakairamanan ti aglawlaw ti parliament ken ti presidential house tapno malapdan ti kinaranggas.
Inawagan met dagiti otoridad ti rally a “GenZ” a pakairamanan dagiti agtutubo a naipasngay manipod 1995 agingga 2010.
Nagtaud ti pannaka-ban kalpasan iti mamin-ano a daras a panagpatulod iti gobierno ti notice kadagiti social media companies nga agrehistro ngem napaay iti kaaddoan kadakuada isu a napagelanda.
