Ipapaay ti Department of Migrant Workers ti amin a kasapulan a tulong kadagiti sangapulo ket siam nga overseas Filipino workers a nakemmeg idiay Qatar gapu iti panagprotestada idi Biernes, Marso 28.
Segun ken ni DMW Secretary Hans Leo Cacdac, napanen ti labor attache iti police station a nakaibaludanda gapu iti illegal assembly idi nagprotestada nga awan pammalubos manipud iti nasao a pagilian.
Saan met a dinakamat ti DMW ken Department of Foreign Affairs no ti iligal nga aktibidad ket adda pakainaiganna iti panagkasangay ni dati a Presidente Rodrigo Duterte gapu iti pannakaibaludda idiay Netherlands iti kaso a crimes against humanity.
Pinalagipan ni Cacdac dagiti OFW a liklikanda ti mangisayangkat iti aktibidad a mailabsing iti paglintegan ti host country.
